Сям'ю палітуцекача Сяргея Панамарова, каторы ў ліпені 2011 года атрымаў палітычны прытулак у Польшчы, дапытваюць і праводзяць вобшукі. 11 кастрычніка да Вадзіма Панамарова, сына грамадскага актывіста і журналіста Сяргея Панамарова, прыйшоў нарад міліцыі і дапытваўся пра мейсца знаходжаньня бацькі. Пачуўшы, што Панамароў старэйшы ўжо з канца лета 2010 года знаходзіцца ў Польшчы, афіцэр міліцыі запатрабаваў падаць канкрэтны адрас знаходжаньня Панамарова ў Варшаве. На што атрымаў адмову. Афіцэр таксама паведаміў, што Сяргей Панамароў аб'яўлены ў Рэспубліканскі вышук на падставе распачатай крымінальнай справы (368 артыкул, абраза прэзідэнта Беларусі). "Не разумею, чаму мне, 60 – ці гадоваму пенсіянеру, атрымаўшаму палітычны прытулак у Польшчы, не даюць спакойна жыць. Ведаю, што дыктатура робіць усё магчымае каб сапсаваць жыцьцё не толькі мне, але й маёй сям’і. Пра тое, што амбасада Беларусі разам з клецкай міліцыяй цікавяцца маім адрэсам, ужо ведае мясцовая паліцыя, а яны ў сваю чаргу перададуць інфармацыю куды трэба. Я гэтага так не застаўлю і прымушу прадстаўнікоў афіцыйнага Мінску ў Польшчы даваць каментарый на гэту тэму.” – каментуе Панамароў.
Руслан Шошын
|