"Па-чалавечы мне вельмі прыкра за тое, што здарылася, так як мая сьвядомая асоба заўжды стаяла на варце правоў і свабодаў чалавека. Як пракурору мне вельмі непрыемна, што некаторыя супрацоўнікі пракуратуры не выконваюць маіх парадаў і загадаў. Задавальненьне звароту беларускай пракуратуры, каторых быў складзены зусім не ў прававой форме, дзе не было пазначана віны чалавека (А.Бяляцкага), а таксама не было канкрэтна акрэсьленай справы – гэты жывы прыклад не выкананьня сваіх прамых абавязкаў супрацоўнікамі пракуратуры. Адстаўка – гэта не апошняя стадыя адказнасьці.” – адзначыў Генеральны Пракурор Польшчы Анджэй Сэрэмэт.

 
Літэральна за дзьве гадзіны да пачатку прэсавай канферэнцыі, пад будынкам Генеральнай Пракуратуры ў Варшаве сабраліся беларусы каб выказаць пратэст існуючай дамове аб узаемнай прававой дапамозе паміж Польшчай і Беларусьсю, падпісанай у 1994 годзе. У Генеральную Пракуратуру Польшчы арганізатары акцыі перадалі зварот, у каторым патрабуюць спыніць усялякае супрацоўніцтва зь Беларусьсю, ў прыватнасьці просяць Генеральнага Пракурора ануляваць усе ўмовы і дамоўленасьці аб узаемным супрацоўніцтве Польшчы і Беларусі.

"Па-першае заявы такога кшталту не маюць нічога супольнага з Генеральнай Пракуратурай, гэта справа палітычнага, ануляваць ўмову могуць толькі парламентарыі, а па-другое Беларусь – гэта суседняя краіна, ануляваньне супрацоўніцтва не магчыма толькі для таго што на Беларусі не толькі ж апазіцыя перасьледуецца, а таксама і злачынцы, которыя могуць з гэтага скарыстацца” – падкрэсьліў прэсавы сакратар Генеральнай Пракуратуры Матэўш Мартынюк.