У Варшаве пройдзе канферэнцыю пад назвай "Беларусь і беларусы сярод суседзяў: гістарычныя стэрэатыпы і палітычныя канструкты". Мерапрыемства будзе праходзіць з 9 па 11 снежня ва ўнівэрсітэце Лазарскага ў Варшаве. Пра гэта паведаміў Дырэктар Цэнтра беларускіх даследванняў Алесь Лагвінец. - Гэта чацвёртая па ліку канферэнцыя, якая праводзіцца ва ўніверсітэце Лазарскага. Там ёсць беларускі цэнтр, які дае магчымасць для беларускіх даследчыкаў праходзіць стажыроўкі, выкладаць, або займацца даследчыцкай дзейнасцю. Канферэнцыя ў гэтым годзе будзе прысвечана месцу Беларусі ў нашым рэгіёне, узаемадачыненням паміж беларусамі і суседнімі народамі. А таксама ў нас будзе адмысловая панэль, прысвечаная памяці Віталя Сіліцкага. І гэтая секцыя будзе прысвечаная еўрапеізацыі – здыбыткамі і выклікамі еўрапеізацыі Беларусі. Алесь Лагвінец чакае, што канферэнцыя выкліча вялікую зацікаўленасць з боку даследчыкаў і студэнтаў. Выступоўцамі падчас абмеркавання месца беларусі сярод суседзяў будуць вядомыя палітолагі, гісторыкі, эканамісты і шэраг маладых даследчыкаў.
|