16 мая ў цэнтры старога горада Варшавы Фонд Адкрытая Беларусь правёў Акцыю Салідарнасьці. Падчас акцыі беларусы раздавалі мінакам ангельскую версію кнігі Алега Алкаева "Shooters Team”, пры гэтым зьбіралі ахвяраваньніна дапамогу сям’і галадоўніка Сяргея Каваленкі. Ангельскамоўнай кнігай Алкаева зацікавілася шмат турыстаў, агулам было раздадзена каля 80 асобнікаў.
Пасьля прысуду беларускаму патрыёту Сягрею Каваленку, Фундацыя"Адкрытая Беларусь” абвясьціла кампанію па сбору сродкаў на дапамогу сям’і галадоўніка, якая засталася без сродкаў на існаваньне.
Фонд Адкрытая Беларусь быў заснаваны беларускай іміграцыяй у Варшаве ў 2009 годзе. Першапачатковай мэтай дзейнасьці фонду была падтрымка палітуцекачоў, перасьледуемых беларускімі службамі, у тым ліку прававая і матэрыяльная дапамога. За два гады фонд выдаў 2 версіі кнігі Алега Алкаева"Расстрэльная каманда” на польская і ангельскай мовах, правёў шэраг культурніцкіх імпрэз, ў тым ліку акцыі салідарнасьці, якія праходзілі ў Празе, Вільні, Амстэрдаме і іншых еўрапейскіх гарадах.