16 кастрычніка ў Беларусі  і за мяжой прайшлі акцыі салідарнасьці,  мэта якіх – звярнуць увагу на парушэнні правоў чалавека ў Беларусі. У сваю чаргу, фонд "Адчыненая Беларусь” арганізаваў акцыю салідарнасьці пад Беларускай амбасадай ў Варшаве.

Арганізатары акцыі  раздавалі мінакам польскую версію кнігі Алега Алкаева "Растрэльная каманда”, выдую фондам у 2009 годзе. Таксамі прадставілі прэсе, нядаўна выданную,  ангельскую версію "Shooters Team”.  Польская паліцыя, выкліканая беларускай амбасадай, не замінала ладзіць акцыю. Наадварот, ахвотна атрымалі ў падарунак кнігі  і пажадалі посьпехаў.  Пікет асьвятлялі  Belsat і два польскіх  тэлевізыйных каналы: TVN24 і PolsatNews.

      Дзень беларускай салідарнасці адзначаецца на працягу пяці гадоў 16-га дня кожнага месяца. Дзень салідарнасьці – гэта дзень памяці зьніклых Юрыя Захаранкі, Анатоля Красоўскага, Віктара Ганчара, Дзьмітрыя Завадскага, а таксама знак салідарнасці з апазіцыянерамі, якія адбываюць сёння ў Беларусі тэрмін абмежавання волі. Ідэя праводзіць Дні салідарнасці нарадзілася пасля таго, як 16 верасня 2005 года, ва ўгодкі знікнення віцэ-спікера Вярхоўнага Савета 13 склікання Віктара Ганчара і бізнэсмэна, грамадскага дзеяча Анатоля Красоўскага, міліцыя разагнала акцыю ў памяць зніклых і адабрала ў яе ўдзельнікаў партрэты зніклых палітыкаў (людзі трымалі ў руках таксама партрэты выкрадзеных у Беларусі экс-міністра ўнутраных справаў Юрыя Захаранкі і журналіста Зміцера Завадскага) і нацыянальныя сцягі.

Паглядзець рэпартаж Belsat можна тут: