31/01/2011 - http://ruslan-shoshyn.blogspot.com/2011/01/31.html Автор: Руслан Шошын

 Сёньня, 31 студзеня, адбылося паседжаньне міністраў замежных спраў ЕС, на каторым прымалася вельмі важнае рашэньне - ці ўвадзіць эканамічныя санкцыі супраць беларускага ўзурпатара ці не. Нажаль, сёняшні дзень увайшоў у гісторыю Беларусі як трыўмф Лукашэнкі. Перамаглі лаббісты.

Еўропа ўстрымалася ад эканамічных санкцыяў. Аргументацыя такога рашэньня простая – калі мы забаронім ўвоз нафтапрадуктаў, яны паедуць пад расейскімі дакумэнтамі. Міністры даручылі Еўракамісіі назіраць за сітуацыяй ў Беларусі і 'папярэдзілі', што могуць вярнуцца да пытаньня эканамічных санкцый ў выпадку ўзмацненьня рэпрэсій у краіне. Куды ж мацней!? Няўжо гэтага мала!? Напэўна, кожны беларус задась сабе такое пытаньне, пачуўшы пра вынікі паседжаньня міністраў замежных спраў ЕС.

Менавіта ў Варшаве 31 студзеня (панядзелак) а 15.00 пад будынкам Міністэрства Замежных Спраў Польшчы сабралася 30 неабыякавых беларусаў каб нагадаць аб'яднанай Еўропе пра беларускія рэаліі: зфальсіфікаваныя выбары, палітвязьні, тысячы пабітых і зьняважанных людзей, зьніклых палітыкаў... і пра ўсё тое, пра што доўгія гады замоўчвае беларуская ўлада.

Толькі эканамічныя і візавыя санкцыі (са сьпісам не ў 158 чалавек, а 10 000) прымусілі б беларускага дыктатара паважаць правы так званай 'меньшасьці'… Застаецца толькі падзякаваць Польшчы і Швецыі за іх цьвярозую пазіцыю, а тым хто гэтую пазіцыю не падтрымаў, падзякуюць палітвязьні…