Сёньня, 19.12.2010, роўна месяц пасьля беларускіх
выбараў, сотні затрыманых, пабітых, зьняволеных. Па ўсёй Эўропе прайшлі акцыі
салідарнасьці зь вязьнямі сумленьня. Аднак у Польшчы адбыліся адразу тры акцыі,
дзьве ў Варшаве (каля мэтро ‘centrum’ і пад амбасадаў) і марш свабоды ў
Кракаве. Якраз пад амбасадай адбыўся гістарычны момант: Акцыя
салідарнасьці доўжылася цэлых сем гадзінаў. Пачалася а 12.00, скончылася а
19.00. Каля дваццаці чалавекаў, пераважна студэнты, на працягу сямі гадзінаў
патрабавалі тэрміновага вызваленьня ўсіх палітвязьняў і правядзеньне новых
выбараў. Перыядычна людзі адыходзілі але на іх мейсца прыходзілі іншыя. 
Не абыйшлося і без правакацыяў з боку амбасады. А
15.00, згодна з графікам, амбасада павінна выдаваць пашпарты польскім
грамадзянам, але гэтага не зрабіла. Абураныя палякі патрабавалі ў працаўнікоў
амбасады выдаць пашпарты, але тыя тлумачылі ‘Пакуль не скончыцца вось гэта
мерапрыемства, амбасада не мае права працаваць і ўпускаць людзей’. Дайшло да
таго, што людзі падыходзілі да ўдзельнікаў акцыі і прасілі каб тыя разышліся,
але ў асноўным выказвалі словы падтрымкі. Цікава, каб па ўсёй Эўропе беларускія
амбасады не выдавалі пашпарты? Працаўнікі амбасады не маглі спакойна выехаць, не таму
што мітынгуючыя перашкаджалі, а таму што нечага асьцерагаліся. Баяліся нават
выходзіць, а калі выходзілі, некалькі разоў азіраліся. Склалася ўражаньне, што
яны, працаўнікі амбасады, у нечым вінаватыя. У чым? Можа ў прэзыдэнцкіх
выбарах? На акцыю таксама прыйшлі людзі, каторыя праводзілі экзіт-пол пад
амбасадай. Падтрымаць Беларусь прыйшли грамадзяне Польшчы,
Украіны і нават Узбекістану.  Амаль што кожны ўдзельнік акцыі выказаў сваё
патрабаваланьне да беларускай ўлады, сьпявалі песьні, чыталі беларускія вершы.
На прыканцы акцыі прагучаў ‘магутны Божа’. Падзею асьвятляла польскае
тэлебачаньне TVN24, а таксама Белсат. Наступная акцыя салідарнасьці ў Варшаве
адбудзецца 21 студзеня ў дзень інаўгурацыі А.Г. Лукашэнкі. 
|
